KAUN HAAN MAIN ?

ਅੱਜ ਬਹੁਤ ਚਿਰਾਂ ਪਿੱਛੋਂ ਇੱਕ ਪੁਰਾਣੀ ਡਾਇਰੀ ਦੇ ਇੱਕ ਫਟੇ ਹੋਏ ਵਰਕੇ ਉੱਤੇ ਕੁੱਝ ਲਾਈਨਾਂ ਲਿਖੀਆਂ ਮਿਲ ਗਈਆਂ , ਜੋ ਕਿ ਸ਼ਾਇਦ ਮੇਰੇ ਸਕੂਲ ਵੇਲੇ ਦੀਆਂ ਲਿਖੀਆਂ ਹੋਈਆਂ ਹਨ। ਉਸ ਸਬ ਦੇ ਵਿੱਚੋਂ ਕੁੱਝ ਹਿੱਸਾ ਤੁਹਾਡੇ ਨਾਲ ਸਾਂਝਾ ਕਰਨ ਜਾ ਰਿਹਾ ਹਾਂ। 

ਜੋ ਕਦੇ ਲੁੱਕ-ਲੁੱਕ ਕੇ ਲਿਖਦਾ ਸਾਂ ਅੱਜ ਸਬਦੇ ਨਾਲ ਸਾਂਝਾ ਕਰਨਾ ਵੀ ਇੱਕ ਅਜੀਬ ਜਿਹੀ ਖੁਸ਼ੀ ਹੈ। 

ਕਿੰਨੇ ਅਰਸੇ ਇਸ ਦੇਹ ਦੇ ਨਾਲ ਗੁਜ਼ਾਰੇ ,

ਕਿੰਨੇ ਲਏ ਰੱਬ ਤੋਂ ਸਾਹ ਉਧਾਰੇ ,

ਪਰ ਸਮਝ ਨਹੀਂ ਪਾਉਂਦਾਂ ਹਾਂ ਕਿ ਕੌਣ ਹਾਂ ਮੈਂ ?

ਹਰ ਸਾਹ ਦੇ ਨਾਲ ਮੈਂ ਕੁਝ ਹੋਰ ਹਾਂ ,

ਝੂਠ ਨਾਲ ਖੜ੍ਹਦਾ ਦਲੇਰ ਪਰ ਸੱਚ ਨੂੰ ਪੜ੍ਹਦਾ ਕਮਜ਼ੋਰ ਹਾਂ ,

ਰੋਜ਼ ਸਵੇਰੇ ਖੁਦ ਨੂੰ ਸਮਝਾਉਂਦਾਂ ਹਾਂ ,

ਪਰ ਸ਼ਾਮ ਢਲੇ ਮੁੜ ਭੁੱਲ ਜਾਂਦਾ ਹਾਂ ਕਿ ਕੌਣ ਹਾਂ ਮੈਂ ?

ਮੂਰਤੀ , ਪੱਥਰ , ਦੀਵਾਰਾਂ ਦੀ ਮੈਨੂੰ ਕਦਰ ਨਾ ਕੋਈ ,

ਵੇਦ , ਗ੍ਰੰਥ , ਮਣਕੇ ਹਜ਼ਾਰਾਂ ਦੀ ਮੈਨੂੰ ਨਜ਼ਰ ਨਾ ਕੋਈ ,

ਰੱਬ , ਪ੍ਰਭੂ , ਅੱਲ੍ਹਾ ਤੋਂ ਪਾਸਾ ਵੱਟ ਕੇ ,

ਉਸ ਯਾਰ ਦਾ ਸਜ਼ਦਾ ਕਰਦਾ ਹਾਂ ,

ਹਾਂ , ਮੈਂ ਇੱਕ ਕਾਫ਼ਿਰ ਹਾਂ । 

ਥੱਕ ਕੇ ਥੰਮ ਜਾਣਾ ਮੇਰੀ ਫ਼ਿਤਰਤ ਵਿੱਚ ਨਹੀਂ ,

ਤੇ ਮੰਜ਼ਿਲ ਨੂੰ ਪਾਉਣਾ ਮੇਰੀ ਕਿਸਮਤ ਵਿੱਚ ਨਹੀਂ ,

ਮੁਕੱਦਰਾਂ ਦੇ ਠੇਡੇ ਖਾਉਂਦਾ , ਖੋਟੀ ਕਿਸਮਤ ਨੂੰ ਅਜ਼ਮਾਉਂਦਾ ,

ਨਿੱਤ ਖ਼ਵਾਬਾਂ ਦੇ ਪੈਂਡੇ ਚੜ੍ਹਦਾ ਹਾਂ ,

ਹਾਂ , ਮੈਂ ਇੱਕ ਮੁਸਾਫ਼ਿਰ ਹਾਂ ।

ਬੈਠਾਂ ਹਾਂ ਦਿਲ ਵਿੱਚ ਕਈ ਅਰਮਾਨ ਲੁੱਕੋ ਕੇ ,

ਜਾਪਦਾ ਹਾਂ ਹਰ ਸਾਹ ਨਾਲ ਇੱਕ ਨਾਮ ਪਰੋ ਕੇ ,

ਉਂਝ ਗੱਲਾਂ-ਗੱਲਾਂ ਵਿੱਚ ਉੱਡਦੇ ਪੰਛੀ ਫੜ੍ਹਦਾਂ ਹਾਂ ,

ਪਰ ਗੱਲ ਦਿਲ ਦੀ ਮੂੰਹੋਂ ਕਹਿ ਨਾ ਪਾਉਂਦਾਂ ਹਾਂ ,

ਹਾਂ , ਮੈਂ ਇੱਕ ਕਾਇਰ ਹਾਂ । .

ਪਰ ਜੋ ਕਹਿ ਨਾ ਪਾਵਾਂ ਆਪਣੀ ਜ਼ੁਬਾਨੀ ,

ਉਹ ਸਬ ਕਹਿ ਜਾਂਦੀ ਲਫ਼ਜ਼ਾਂ ਦੀ ਕਹਾਣੀ ,

ਗੀਤਾਂ ਵਿਚ ਓਹਦੀ ਪਹਿਚਾਣ ਬਣਾ ਕੇ ,

ਕਲਮ ਨੂੰ ਆਪਣੀ ਜ਼ੁਬਾਨ ਬਣਾ ਕੇ ,

ਕਾਗਜ਼ਾਂ ਦੇ ਉੱਤੇ ਅਲਫਾਜ਼ , 

ਆਪਣੇ ਦਿਲ ਦੇ ਜ਼ਜ਼ਬਾਤ ਜਤਾਉਂਦਾਂ ਹਾਂ, 

ਹਾਂ , ਮੈਂ ਇੱਕ ਸ਼ਾਇਰ ਹਾਂ । 

ਹਾਂ , ਮੈਂ ਇੱਕ ਸ਼ਾਇਰ ਹਾਂ ।।   

Kinne arse is deh de naal guzaare ,

Kinne laye rabb to saah udhaare ,

Par samaz nahi paundan haan ke kaun haan main ?

Har saah de naal main kuj hor haan ,

Jhuth naal kharda daler par sach nu parhda kamzor haan ,

Roz savere khud nu samzaunda haan ,

Par shaam dhale murh bhul jaanda haan ke kaun haan main ?

Murti , pathar, deewaran di mainu kadar naa koi ,

Ved, granth, manke hazaaran di mainu nazar na koi ,

Rabb , Prabhu , Allah to paasa vatt ke ,

Us yaar da sazda karda haan ,

Haan , Main ikk kafir haan .

Thakk ke thamm jaana meri fitrat vich nai ,

Te manzil nu pauna meri kismat vich nai ,

Mukadran de thede khaunda , khoti kismat nu azmaunda ,

Nitt khwaaban de pende charda haan ,

Haan , Main ikk musafir haan .

Bethan haan dil vich kai armaan luko ke ,

Japda haan har saah naal ikk naam pro ke , 

Unjh gallan-gallan vich udd`de panchi farda haan ,

Par gal dil di muhon kehno darda haan ,

Haan , Main ikk kayar haan .

Par jo keh na paavan apni zubaani ,

Oh sab keh jandi lafzan di kahani ,

Geetan vich ohdi pehchaan bna ke ,

Kalam nu apni zubaan bna ke ,

Kaagzan de utte alfaz, 

Apne dil de zazbaat jataunda haan ,

Haan , Main ikk shayar haan .

Haan , Main ikk shayar haan ...